Кіру14 жасында әлемдік әдебиет сахнасында: ағайынды Айтқалиевтер Франкфуртта өз кітаптарын таныстырды
14 жастағы егіз ағайынды Арлан мен Аслан Айтқалиевтер Германияда өткен Frankfurter Buchmesse 2026 халықаралық кітап жәрмеңкесінде өз туындысын таныстырған жас қаламгерлердің қатарынан көрінді. Олардың «Гарольд пен ЛараБелль. Кітаптар патшалығы» атты инклюзивті ертегісі шетелдік жазушылардың, баспагерлер мен журналистердің қызығушылығын тудырды.
7–11 қазан аралығында Германияның Франкфурт-на-Майне қаласында әлемдегі ең ірі кітап жәрмеңкелерінің бірі – Frankfurter Buchmesse өтті. Жыл сайын ұйымдастырылатын бұл ауқымды шара әлемнің түкпір-түкпірінен баспа саласының өкілдерін, қаламгерлер мен кітапсүйер қауымды бір алаңға жинайды.
Жәрмеңкеде Қазақстан Республикасы Мәдениет және ақпарат министрлігінің қолдауымен еліміздің ұлттық стенді жұмыс істеді. Қазақстанның ресми делегациясы құрамында Орал қаласынан келген 14 жастағы егіз жазушылар Арлан мен Аслан Айтқалиевтер де қатысты.
Ұлттық стендте ұсынылған қазақстандық қаламгерлердің жүздеген шығармаларының арасында ағайындылардың қазақ, орыс, ағылшын және неміс тілдерінде жарық көрген «Гарольд пен ЛараБелль. Кітаптар патшалығы» ертегісі де болды.
8 қазанда жас жазушылар өз туындыларының тұсаукесерін ағылшын және неміс тілдерінде өткізді. Олар кітаптың дүниеге келу тарихы, басты кейіпкерлері және шығарманың негізгі идеясы – достық, өзара түсіністік пен кітап оқудың маңыздылығы туралы әңгімеледі.
Тұсаукесерге Әзербайжан, Түркия, Испания, Франция және басқа да елдерден келген баспа өкілдері, жазушылар мен қонақтар қатысты. Сондай-ақ Франкфуртта және Германияның өзге қалаларында тұратын қазақстандықтар да жас отандастарына қолдау көрсету үшін арнайы келді.
Жас қаламгерлердің таныстырылымы көрермендердің зор қызығушылығын тудырды. Қонақтар кітаптың мазмұны, оның аудармалары және ағайындылардың алдағы шығармашылық жоспарлары туралы көптеген сұрақ қойды. Әсіресе достықты, өзара түсіністік пен кітап оқуға деген сүйіспеншілікті дәріптейтін туындының идеясы көпшіліктің назарын аударды. Тұсаукесер түрлі ел өкілдерінің еркін пікір алмасып, танысып, тәжірибе бөлісуіне мүмкіндік берген мазмұнды кездесуге айналды.
Арлан мен Асланның шығармашылығы шетелдік бұқаралық ақпарат құралдарының да назарынан тыс қалмады. Халықаралық журналистер жас авторлардан сұхбат алып, Қазақстаннан шыққан екі мектеп оқушысының әлемдік деңгейдегі ірі кітап алаңдарында өз шығармаларын таныстырып жүргеніне ерекше қызығушылық танытты.
Жәрмеңке барысында қазақстандық делегацияға Қазақстан Республикасының Франкфурт-на-Майнедегі Бас консулдығы маңызды қолдау көрсетті. Бас консул мен дипломатиялық өкілдік қызметкерлері көрмеге қатысқан қазақстандық делегация мүшелеріне жан-жақты қолдау білдірді.
Жәрмеңкенің қорытынды күніндегі ерекше оқиғалардың бірі – ағайындылардың Халықаралық жазушылар гильдиясының өкілдерімен кездесуі болды. 11 қазанда Қазақстанның ұлттық стендіне гильдия президенті, сондай-ақ Германия, Израиль, Әзербайжан және басқа да елдердің қаламгерлері келді.
Бұл кездесуге «Гарольд пен ЛараБелль. Кітаптар патшалығы» ертегісінің халықаралық «Наш Андерсен» әдеби байқауында жүлдегерлер қатарына енуі себеп болды.
Арлан мен Аслан мәртебелі қонақтарға арнап жеке таныстырылым өткізіп, өз шығармашылық жолдары мен болашақ жоспарлары туралы баяндады. Қаламгерлер жас авторлардың өнерін жылы қабылдап, кітапқа қызығушылық танытты және ағайындыларға алдағы уақытта толағай табыстар тіледі. Достық атмосферада өткен бұл кездесу әдебиеттің түрлі буын өкілдерін жақындастырып, ортақ рухани құндылықтар төңірегінде біріктіретінін тағы бір мәрте көрсетті.
Оралдан халықаралық кітап алаңдарына дейін
Соңғы бір жылдың ішінде ағайынды Айтқалиевтер әдеби шығармашылық жолында елеулі жетістіктерге қол жеткізді.
2026 жылдың сәуір айында олардың ертегісі Астанада өткен IX халықаралық Astana Eurasian Book Fair кітап көрме-жәрмеңкесінде «Балаларға арналған үздік кітап» номинациясы бойынша бірінші орынды иеленді. Сол айда кітап Италиядағы Болонья халықаралық балалар кітабы жәрмеңкесінде де таныстырылды.
Тағы бір маңызды жетістік – халықаралық «Наш Андерсен» әдеби байқауында жүлделі орынға ие болуы.
2026 жылдың 1 маусымында Арлан мен Аслан Ақордаға барып, өз кітаптарының бір данасын Қазақстан Республикасы Президентінің кітапханасына табыстады.
Достық пен кітап оқуға деген сүйіспеншілікті дәріптейтін туынды
«Гарольд пен ЛараБелль. Кітаптар патшалығы» – достық, мейірімділік және кітап оқуға деген сүйіспеншілік тақырыбын арқау еткен шытырман оқиғалы инклюзивті ертегі. Шығарманың басты идеясы – кітаптың балаларды жақындастырып, жаңа дүниелерді тануға және бір-бірін жақсырақ түсінуге көмектесетінін көрсету.
Туынды қазақ, орыс, ағылшын және неміс тілдерінде жарық көрді. Басылым арнайы QR-кодтармен толықтырылған. Олар арқылы оқырмандар ертегінің аудионұсқасын тыңдап, ымдау тіліне аударылған бейненұсқасын көре алады.
Жас авторлар халықтар арасындағы достық идеясын тек кітап беттерінде ғана емес, халықаралық кездесулер арқылы да насихаттап келеді. Арлан мен Аслан бұған дейін Италия, Грузия, Нидерланд, Солтүстік Македония, Беларусь және Өзбекстан елдеріндегі мектеп оқушыларымен және студенттермен кездесіп, өз шығармалары, Қазақстанның мәдениеті мен ұлттық дәстүрлері туралы әңгімелеген.
Ағайындылар Орал қаласындағы вальдорфтық бағыттағы мектеп-гимназияның 9-сыныбында білім алады. Олар шет тілдерін меңгерумен қатар, шахматқа, музыкаға, сурет салуға және спортқа қызығушылық танытады.
Франкфурт халықаралық кітап жәрмеңкесіне қатысу жас қаламгерлер үшін Қазақстанның өскелең ұрпағының шығармашылық әлеуетін әлемдік аудиторияға таныстырудың тағы бір маңызды мүмкіндігі болды.
Бүгінде Арлан мен Аслан өз ертегілерінің жаңа тілдерге аударылып, әлемнің түкпір-түкпіріндегі оқырмандарға жол тартқанын армандайды. Өйткені Орал қаласының екі оқушысы жазған бұл шығарма бүгінде олар үшін адамдар мен елдерді жақындастыратын, мәдениеттерді тоғыстыратын шынайы достық көпіріне айналып келеді.
Соңғы жаңалықтар
Как Казахстан защищает радиоактивные материалы от диверсий и хищений!
Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды
Жаңа Конституция Қазақстанның сот жүйесі тәуелсіздігін нығайтуға бағытталған
14 жасында әлемдік әдебиет сахнасында: ағайынды Айтқалиевтер Франкфуртта өз кітаптарын таныстырды
Әуежай залында Қазақстан Президенті құрметті қонақтармен аз-кем әңгімелесті
Мемлекет басшысы Бельгиялықтар Королі Филипп пен Патшайым Матильданы қарсы алды
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
