8 (7112) 50-86-31
Қ.Жұмағалиев (Фрунзе) көшесі, 20/1 zhaik_yni@mail.ru

Орал қалалық «Жайық Үні» газеті – жаңалықтың жаршысы!

8 (7112) 50-86-31
Қ.Жұмағалиев (Фрунзе) көшесі, 20/1 zhaik_yni@mail.ru
05 Қазан 2026 318 0
Білім

Аймақ басшысы ұстаздарды кәсіби мерекемен құттықтады

Батыс Қазақстан облысында Мұғалімдер күніне орай педагогтерге арналған мерекелік шара ұйымдастырылды. «Атамекен» өнер ордасында өткен «Ұстазға тағзым!» атты салтанатты жиында білім саласының қызметкерлері мен ардагер ұстаздарға құрмет көрсетілді.

Іс-шара барысында өңір басшысы Нариман Төреғалиев ұстаздар қауымын кәсіби мерекесімен құттықтап, олардың қоғамдағы айрықша рөліне тоқталды. Оның айтуынша, елдің дамуы ең алдымен білімді әрі білікті ұрпақ тәрбиесіне байланысты. Ал жас буынның қалыптасуында мұғалімнің еңбегі ерекше орын алады.

Аймақ басшысы педагогтерге жас ұрпаққа сапалы білім беріп, олардың бойына адамгершілік құндылықтарды сіңіру жолындағы еңбегі үшін алғыс білдірді.

Мерекелік жиын кезінде бірқатар білім саласының мамандарына ведомстволық марапаттар, мерейтойлық медальдар және түрлі деңгейдегі алғыс хаттар табысталды. Сондай-ақ білім беру саласының дамуына елеулі үлес қосқан ұстаздарға арнайы төсбелгілер тапсырылды.

Орал қаласындағы Хиуаз Доспанова атындағы №30 мектеп-гимназиясының көркем еңбек пәнінің мұғалімі Жеміс Қайыроваға «Батыс Қазақстан облысының білім беру саласына қосқан үлесі үшін» төсбелгісі беріліп, 1 миллион 297 мың 500 теңге көлемінде біржолғы сыйақы табысталды.

Бұдан бөлек, Қазақстандық салалық білім және ғылым қызметкерлері кәсіподағының өңірлік ұйымы да бірқатар педагогке арнайы сый-құрмет көрсетті.

Мерекелік басқосу концерттік бағдарламаға ұласты. Өңірдегі өнер мектептері мен шығармашылық орталықтардың жас тәрбиеленушілері ұстаздарға арнап өнер көрсетіп, өздерінің музыкалық және шығармашылық туындыларын ұсынды.

Мұғалім – шәкірт жүрегіне білім мен ізгіліктің дәнін себетін, болашаққа бағыт-бағдар беретін қадірлі маман. Осы орайда барша ұстаздар қауымын кәсіби мерекесімен шын жүректен құттықтаймыз! Еңбектеріңіз жемісті, шәкірттеріңіз талапты да талантты болсын. Әрдайым абырой биігінен көрініп, еңбектеріңіз еленіп, мерейлеріңіз үстем болғай!

Версия для печати
Соңғы жаңалықтар
«Әділет» партиясы
ТАЗАЛЫҚ ПЕН ТӘРТІП – ОРТАҚ ЖАУАПКЕРШІЛІК
21 Қараша 2026
106 0
«Әділет» партиясы
АМАНГЕЛДІЛІКТЕР ЖОЛ МӘСЕЛЕСІН КӨТЕРДІ
20 Қараша 2026
151 0
«Әділет» партиясы
АУЫЛ ӨМІРІНЕ ҚАТЫСТЫ МӘСЕЛЕЛЕР ТАЛҚЫЛАНДЫ
19 Қараша 2026
189 0
«Әділет» партиясы
АҚПАРАТТЫҚ НАУҚАН ҚАРҚЫН АЛА ТҮСУДЕ
19 Қараша 2026
205 0
«Әділет» партиясы
АУЫЛ БОЛАШАҒЫ – ТҰРҒЫНДАРДЫҢ ТҰРАҚТАУЫНДА
18 Қараша 2026
223 0
«Әділет» партиясы
«ЖАЙЫҚЖЫЛУҚУАТ» ҰЖЫМЫМЕН КЕЗДЕСУ ӨТТІ
17 Қараша 2026
261 0
«Әділет» партиясы
ӨҢІРДЕ САЙЛАУАЛДЫ НАУҚАН ҚАРҚЫН АЛУДА
17 Қараша 2026
250 0
Заң және тәртіп
Тоқаев жүйелі тәртіпті жасауға кірісті
13 Қараша 2026
360 0
«Әділет» партиясы
ЕҢБЕК АДАМЫНЫҢ МҮДДЕСІ – БАСТЫ НАЗАРДА
12 Қараша 2026
415 0
«Әділет» партиясы
БИЗНЕС ДАМУЫ – ӨҢІР ӨРКЕНДЕУІНІҢ КЕПІЛІ
11 Қараша 2026
442 0
«Орал қаласының көркем жерлері»
«Ғаламтор ресурстары»