КіруЖАС ДЕЛЕГАТТАР БҰҰ ҮЛГІСІНДЕ ПІКІР АЛМАСТЫ
Оралдағы Назарбаев Зияткерлік мектебінде БҰҰ үлгісіндегі ІІ аймақтық конференция өтті. Қала білім ошақтары, Ақтөбедегі Зияткерлік мектептің және оралдық зияткер оқушылар «Баламалы энергия көздері» және «Босқындар» мәселелерін талқылады. Шара ағылшын тілінде өтті.
25 елдің өкілдері ретінде жұмыс жасаған олар БҰҰ моделінің форматына сәйкес мүдделес мемлекеттер ретінде бірігіп, мәселелердің шешу жолдарын ұсынды.
Қатысушылар баламалы энергия көздерін пайдаланудың қажетті тетігін әзірлеуде елдер арасындағы ынтымақтастықтың жоқтығы туралы мәселені атап өтті. Олардың тарапынан жасыл энергия көздерін пайдалануды мықтап қолға алған Германия мен Норвегияның тәжірибесін алу, осы мәселеде нақты іспен айналысып жүрген азаматтарға сыйақы беру сияқты ұсыныстар берілді. Босқындар мәселесінде бірлесе отырып оларға арнап лагерьлер салу мүмкіндігі айтылды.
– Конференция оқушыларды жаһандық мәселелерді шешуге өз үлестерін қосуға үндейді. Келіссөздер жүргізу қабілеттеріне, маңызды мәселелерді шешу жолдарын таба білуге баулиды. Олар түрлі дереккөздермен жұмыс жасап дағдыланады, – дейді Оралдағы Зияткерлік мектеп мұғалімі Орал Қыдыршаев.
Конференция соңында қатысушылар түрлі аталымдары бойынша марапатталды.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу