КіруЗАШАҒАНДА СПОРТ АЛАҢЫ ПАЙДАЛАНУҒА БЕРІЛДІ
Тәуелсіздіктің 30 жылдық мерейтойы қарсаңында және «Қала күні» мерекесі аясында Зашаған кентіде тағы бір спорт алаңы пайдалануға берілді.
Жаңа футбол алаңының ашылуына Орал қаласының әкімі Абат Шыныбеков, Зашаған кентінің ардагер кеңесінің төрағасы Тілекқабыл Ерназаров, облыстық мәслихат депутаттары қатысып, кент тұрғындары мен спорт сүйер жастарына құтты болсын айтты.
– Баршаңызды сүйікті қаламыздың мерекесімен құттықтаймын. Жылма-жыл мереке қаламызда жаңа әлеуметтік нысандардың тұрғындар игілігі үшін қолданысқа берілуімен айшықталып келеді. Тұрғындарымыздың аулаларында балалар мен спорт алаңдарының болуы, абаттандырылуы,олардың қадамдық қолжетімділігін қамтамасыз ету – біздің басты міндетіміз. Жаңа алаңның ашылуымен құттықтай отырып, осы жерден жас чемпиондар көп шықсын деген тілек білдіремін, – деді Абат Абайұлы.
Айта кетейік, биыл қалада заманауи үлгідегі 20 спорттық және ойын алаңын салу жоспарланған болатын. Бүгінгі таңда оның 14-і пайдалануға берілді. Қалған алаңдардың құрылысы да жыл соңына дейін аяқталады. Сондай-ақ 31 ауланы абаттандыру жұмыстары жүргізілуде.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу