КіруТелефоныңызды ешкімге бермеңіз!
Бүгінде алаяқ адамдар қоғамда өте көп. Олардың зардабын тартып жүргендер де аз емес. Осыған орай, ақпанның алғашқы онкүндігінде республика көлемінде «Anti-fraund» жедел-алдын алу іс-шарасы өтіп, бірнеше қылмыстар ашылды.
Жуырда 1997ж. туылған «М» есімді азамат сауда үйіндегі бутикте жасайтын танысын көріп, сөйлесе кетеді. Сосын «қоңырау шаламын» деп оның ұялы телефонын сұрап алады. Біреумен сөйлесіп жүргендей болып сәл тасалау жерге барып, әлгі жәбірленушінің телефонындағы «Каспий kz» қосымшасы арқылы 700 мың теңге көлемінде несие толтырады. Мұнымен қоймай, одан әрі танысының бұған ақша аударып жібергенін айтып, банкомат шартына сәйкес бетін сәйкестендіре отырып, банкоматтан ақша
шығарып беруге көмек сұрайды. Айлакердің құйтырқы әрекетінен мүлдем хабарсыз болған жәбірленуші әйел барлық айтқанын жасап, оған көмектеседі. Сөйтіп, арада екі ай өткен соң ай сайын төлейтін сомасы келген уақытта ғана алданғанын біліп, Абай полиция бөліміне арыз түсіреді. Полиция қызметкерлері осы арыз бойынша тексеру жұмыстарын жүргізеді. Алаяқтың бұрын да осыған ұқсас қылмыстармен есепте болғанын анықтайды. Бұл айлакерге қатысты екі эпизод тіркелген. Біріншісі, осы танысының телефонын уақытша пайдалануға сұрап алып, жоқ болып кеткені. Екіншісі, қымбат телефонынан айрылып қалған жәбірленушінің де полицияға жүгінуі. Қазір осы аталған фактілерге қатысты, ҚР ҚК-нің 190-бабы 2-бөлігіне (Алаяқтық) сәйкес сотқа дейінгі тергеу амалдары жүруде.
БҚО ПД баспасөз қызметі.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу