КіруТАСҚЫНҒА ТОСҚАУЫЛ ЖҰМЫСТАРЫ ЖАЛҒАСУДА
Биыл өңірде қар мол түскені мәлім. Сондықтан көктемгі су тасқынының алдын алу жұмыстары шаһарда ертерек басталды.
Қала әкімдігі баспасөз қызметінің мәліметінше, қыс бойы «Жайық таза қала» ЖШС қызметкерлері тәулік бойы үзіліссіз жұмыс жасап, 1 млн. текше метр ұлпаны қала сыртына шығарды. Оған еріктілер, сарбаздар да жұмылдырылды. 5 арнайы қар шығаратын полигон қарға толтырылса, 2 полигонның толуы жақын. Дегенмен, табиғаттың «сыйы» наурыз басталса да, толастар емес. Соңғы күндері 1,5 шамада жауын-шашын түскен. Бұл – ай жарымдық шамамен бірдей.
Ал 10 наурыздан бастап ауа райының жылынуына байланысты кейбір көшелерде еріген қар суы жиналуда. Осы ретте қала әкімдігі арнайы техникаларды көбейтті. Ірі кәсіпорындар мен құрылыс компаниялары да техникаларын жұмылдырғанын атап өту керек. Қазіргі уақытта шаһар аумағында 350 техника, 50 су сору құрылғысы жұмыс жасауда. Бүгінге дейін 10 мың текше метр су сорылды. Әсіресе, қоғамдық көліктер жүретін көше жолдары мен су басу қаупі бар аумақтар ерекше назарда.
Тасқынға тосқауыл жұмыстары қауіп сейілгенге дейін жалғасатын болады. Бұл жұмыстар қала басшысы М.Мұқаевтың жеке бақылауында.
Сондай-ақ, қала әкімдігі жауған қарды тазалауға кедергі келтірмеу үшін жүргізушілердің жеке автокөліктерін көше бойына қалдырмауды сұрайды.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу