КіруОРАЛДАН АТЫРАУҒА АВТОБУС ЖҮРЕДІ
4-наурыздан бастап қалааралық автобустар қатынасы жандана бастады. Карантиндік шектеулерден соң автовокзал қызметкерлері жұмыс орындарына қайта оралуда.
Өздеріңізге аян бір жылдан бері автовокзал жұмысы тоқтап тұр.
Облыстың бас санитариялық дәрігерлерінің жаңа қаулысынан соң карантиндік шектеулер жеңілдеп, қалааралық автобустар жүре бастады. Мәселен, кеше Атырау-Орал бағытындағы қатынас қалыпқа келіп, таңғы 9.00-де автобус20 жолаушымен мұнайлы өлкеге жол тартты. Автовокзал директорының айтуынша, кері бағыттағы көлікке билет толықтай сатылып кеткен. Автовокзал директоры Талғат Бисекеновтың сөзінше, көп ұзамай Ақтөбе мен Орал арасынада да қатынас жанданатын болады.
– Қазір көрші қаланың рұқсатын алу шаралары жүргізілуде. Эпидемиоиологиялық жағдайға байланысты алдағы уақытта қалалармен байланыс кезең-кезеңімен қалыпқа келе бастамақ,– деді Талғат Бисекенов.
Қос қаланың арасындағы қатынастың қалыпқа келгеніне жолаушылар риза.
Жұмысына кіріскен тасымалдаушы кәсіпорында жалпы саны 200-ге жуық қызметкер бар. Жұмысшылар осы уақыт аралығында мүмкіндігінше басқа қызметке тартылыпты. Сала мамандары Оралдан Ресеймен қоса 7 бағытқа қатынайтын автобустар эпидемиологиялық ахуалға байланысты біртіндеп жұмысын қайта бастайтынын айтты.
Естеріңізге сала кетейік, жыл басынан бері Орал-Атырау автожолында жеңіл көліктердің қатысуымен 5 жол-көлік оқиғасы тіркелді. Салдарынан 14 адам көз жұмды, 10 адам жарақат алды.
Айнара ИСА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу