КіруОРАЛҒА ИТАЛИЯНЫҢ ҚАЗАҚСТАНДАҒЫ ЕЛШІСІ ЖҰМЫС САПАРЫМЕН КЕЛДІ
Кеше, 23 ақпан күні кешкісін Орал қаласының әкімі Абат Шыныбеков Қазақстан Республикасындағы Италияның төтенше және өкілетті елшісі Марко Альберти мырзаны арнайы қабылдады.
Кездесуде екіжақты қарым-қатынастарды дамыту мүмкіндіктері талқыланды.
Шаһар басшысы Орал қаласындағы өнеркәсіптің әр түрлі саласын дамытуға мүмкіндігі зор, әлеуеті жоғары, ресурстық жағынан әл-ауқатқа ие облыс орталығы ретінде қала экономикасының тұрақты даму үрдісін сақтап келе жатқаны жөнінде хабардар етті.
Италияның төтенше және өкілетті елшісі Марко Альберти мәдени байланысты нығайту, оның ішінде жастарға арналған тіл курстарын дамытуға қатысты ұсыныстарын айтып өтті. Сонымен қатар елші көгалдандыруға қатысты жобаларға тоқталып, шаһарда жүзеге асқан «Smart city» жобасын одан әрі оңтайландыруға қатысты өз пікірін білдірді.
Кездесу соңында елші Орал қаласының өркендеп, өсіп келе жатқанына оң бағасын беріп, қаланың таза әрі әдемі екенін атап өтті. Өз кезегінде қала әкімі Марко Альберти мырзаға іскерлік, мәдени-рухани байланысты дамыту қай жағынан да тиімді екендігін айтып, естелік сыйлық табыс етті.
Ақарыс ӘЙІПТЕГІ
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу