КіруБҚО-ДА ЕГІС АЛҚАБЫНЫҢ КӨЛЕМІ ҰЛҒАЯДЫ
Биыл меморандумға сәйкес Батыс Қазақстан облысындағы барлық ауыл шаруашылығы дақылдарының егіс алқабы 542,3 мың га. құрамақ. Бұл 2018 жылдан 25 мың гектарға, яғни 4,9 пайызға артық болмақ. Бұл туралы бүгін өңірлік коммуникациялар қызметінің баспасөз алаңында өткен брифингте айтылды.
БҚО ауыл шаруашылығы басқармасы мамандарының сөзінше, нарықтағы сұранысқа және өндірістік тиімділігіне байланысты майлы дақылдар алқабы – 18,2%-ға, картоп – 2,4%-ға және көкөніс-бақша дақылдарының алқаптары 7,5%-ға ұлғаяды деп күтілуде. Дәнді дақылдардың алқабы 265,0 мың гектары құрауы тиіс, оның 76,6 мың гектарына күздік дақылдар өткен жылдың күзінде егілген. Тиісінше, жаздық дәнді дақылдарды 188,4 мың га алқапқа егу жоспарланып отыр.
БҚО ауылшаруашылығы басқармасы басшысының орынбасары Денис Омашев атап өткендей, егіс алқаптарының құрылымына сәйкес жаздық дәнді дақылдар егу жоспарында жаздық бидай – 83,4 мың га немесе 44,3%, арпа – 85,0 мың га немесе 45%, тары – 4,4 мың га (2,3%) және басқа да дәнді дақылдар – 5,6 мың га (2,5%) болады деп көзделуде.
Майлы дақылдар 64,8 мың га болады деп күтіледі. Оның ішінде күнбағысты 51,0 мың гектарға дейін жеткізу жоспарлануда. Картоп және көкөніс-бақша дақылдарын 10 000 га алқапқа егу жоспарланған. Оның ішінде картоп – 4 300 гектарға, көкөніс дақылдары – 3 800 гектарға, бақша дақылдары – 1 900 гектарға егіледі.
Ағымдағы жылы мал азықтық дақылдардың егісі 202,5 мың гектар құрауы тиіс. (2018 ж. – 175,7 мың га) оның ішінде біржылдық шөптер – 41,7 мың га, сүрлемдік дақылдар – 0,6 мың га, көпжылдық шөптер – 18,0 мың га. Өткен жылдардан қалған көпжылдық шөптердің алқабы 142,2 мың га.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу