Кіру«АЙЫППҰЛ САЛУ ТУРАЛЫ БҰЙРЫҚ ЖОҚ»
Сабақтан қалған оқушыларға айыппұл салу туралы ҚР Білім және ғылым министрлігінің бекіткен бұйрығы жоқ.
Соңғы күндері әлеуметтік желілер арқылы себепсіз сабақтан қалған оқушыға айыппұл салынаты туралы хабарламалар таралуда. БҚО білім басқармасының басшысы Шолпан Қадырова бұл ақпараттың жалған екенін айтып, ата-аналарды мұндай ақпаратқа сенбеуге шақырды.
– Әлеуметтік желілер арқылы түрлі ақпараттар таралады. Оның барлығы қаншалықты дұрыс-бұрыс екенін әр сауатты адам салмақтай білуі керек. Сабақтан қалған оқушыға айыппұл салынатыны туралы Білім және ғылым министрлігінің ешқандай бұйрығы жоқ. Яғни жалған мәлімет. Ата-ананың немесе басқа да заңды өкiлдердiң балаларды тәрбиелеу жөнiндегi мiндеттердi орындамауы бойынша айыппұл салу ҚР ӘКIМШIЛIК ҚҰҚЫҚ БҰЗУШЫЛЫҚ ТУРАЛЫ заңының 127 бабында көрсетілген. Яғни, бала 10 күннен астам уақыт еш себепсіз мектепке келмесе, бірінші кезекте ата-анасымен жұмыс жүргізіледі. Жағдай тағы да қайталанса, мектеп әкімшілігінің ұсынысымен баланың мәселесі жергілікті әкімдік жанындағы кәмелетке толмағандар ісі жөніндегі комиссия отырысында қаралатын болады, – деп түсіндірді Шолпан Маратқызы.
Елмұра АСХАТҚЫЗЫ
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу