КіруОралда Республика күніне орай мерекелік акциялар жалғасуда
Батыс Қазақстан облысында Қазақстан Республикасының күніне орай ұйымдастырылған «Republic Day» және «Bereke Fest» республикалық акциялары жалғасуда. Бүгін, 22 қазанда, өңір тұрғындары арнайы ұсыныстарды пайдаланып, азық-түлік және азық-түлікке жатпайтын тауарларды төмендетілген бағамен сатып ала алады.
Мерекелік жеңілдіктердің негізгі кезеңі 21–27 қазан аралығында өтеді. Акцияларға Орал қаласындағы сауда орталықтары, сауда үйлері мен супермаркеттер, сондай-ақ Ақсай қаласындағы сауда нысандары қосылды. Сатып алушыларға әртүрлі санаттағы тауарларға, соның ішінде отандық өндірушілердің өнімдеріне арнайы бағалар ұсынылады.
«Republic Day» акциясы аясында City Center, «Орал», «Урал», Dom Byta, Alem Plaza, «Атриум», «Школьник», «Аяжан», «Мега Строй» сауда нысандары мен Ақсай қаласындағы Jarsuаt сауда орны жеңілдетілген ұсыныстар ұсынуда.
Ал «Bereke Fest» акциясына «Оптмаркет», Food Line market, «Алтындар», Set Sail Food, «Әлеуметтік», «Анвар», «Суворовский», «Назэль», «Пешеход» және «Дина» сауда желілері қатысуда.
«Жеңілдіктердің бар екені анық байқалады. Кейбір тауарлардың бағасы едәуір төмендеген. Бұл әсіресе отбасыға азық-түлік пен күнделікті қажетті заттарды сатып алғанда маңызды. Осылайша, күнделікті шығындарды аздап үнемдеуге болады. Мереке қарсаңында осындай акциялардың ұйымдастырылғаны жақсы», – дейді Орал қаласының тұрғыны Гүлсім Сармағамбет.
Акциялар 27 қазанға дейін жалғасады. Бастаманың мақсаты – халық үшін тауарлардың қолжетімділігін арттыру, тұтынушылық сұранысты қолдау және Республика күні қарсаңында ішкі сауданы дамыту.
Соңғы жаңалықтар
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
Барлық деңгейдегі мәслихат депутаттарының сайлауы 29 қарашаға белгіленді
