КіруБишімбаев тағылған айыпты мойындамады
Марқұм Салтанат Нүкенованың өліміне байланысты іс бойынша алдын ала тыңдалым өтіп жатыр. Тыңдалымда әйелін өлтірді деп күдіктелген Қуандық Бишімбаев тағылған айыпты мойындамайтынын айтты.
Сотта Бишімбаев өзіне тағылған айыпты түсінетінін, алайда мұны мойындамайтынын жеткізді. Ол соттың ашық түрде, БАҚ өкілдері және алқабилердің қатысуымен өтуін сұрады.
“Мен кінәні мойындамаймын. БАҚ өкілдері қатысып, барлық материалдар жариялануы үшін соттың ашық түрде, алқабилермен өткенін қалаймын. Егер сұрақтар туындап жатса, менің ұстанымым – осы”, – деді Бишімбаев.
Бишімбаевтың адвокаты қылмыстық істі прокуратураға қайтаруды сұрады. Себебі Назкен Құсайынованың сөзінше, қылмыстық-процессуалдық істе заң бұзушылықтар анықталған. Ол қылмыстық іc 16 том екенін атап өтті.
Айта кетейік, бұған дейін бұрынғы ұлттық экономика министрі Қуандық Бишімбаев әйелі Салтанат Нүкенованы өлтірді деген күдікпен ұсталған. Кейіннен қылмысты жасырды деген айыппен Салтанат Нүкенова көз жұмған мейрамхананың директоры да тұтқындалды.
Дереккөз: stan.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
