КіруҚҰСТАРҒА СЫЙ
Оралдық студент Нұрай Темірғали өзінің туған күнінде құстарға тамаша тарту жасады. Ол 17 жасқа толған туған күнін атап өтпей, оның орнына құстарға арналған 17 ұя мен жемсауыт жасатып, достарымен бірге қалалық мәдениет және демалыс саябағына орнатты.
Нұрай Темірғали – Орал гуманитарлық техникалық колледжінің екінші курс студенті. Болашақ тіл маманы. Орниталогия саласына деген қызығушылығы 13 жасқа толғанда әкесінің Есенғали Раушановтың «Құстар біздің досымыз!» деген үлкен кітапты сыйға тартқанынан басталған. Ал кезекті 17 жасын достарымен бірге атап өтуді жоспарлағанымен, атаулы күнге бір-екі апта қалғанда ойын өзгертіпті. Қыздарының ақ ниетін отбасы да құп алып, бірден ағаш шеберіне тапсырыс берген.
– Атап өтуге болатын еді. Достарымды шақырып, сыйлық алған да жақсы. Бірақ, соған кететін ақшаға қанатты достарыма көмектескім келді. Бала кезімнен құстарды жақсы көремін. Құстарға әрдайым қамқорлық керек. Олар – өте сезімтал келеді. Әсіресе қыстыгүні олар бір уыстай болып, бүрісіп тоңып тұрғанын көреміз. Кішкентай қанаттарымен өздерін қорғап, өмірлерін сақтауға тырысады. Бұл бастамам болашақта өзім секілді жастар тарапынан қолдау тапса екен деймін, – дейді ақылды Нұрай.
Елмұра АСХАТҚЫЗЫ
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу