КіруОРАЛДА ҚҰРЫЛЫСШЫЛАРҒА ҚҰРМЕТ КӨРСЕТІЛДІ
Тамыздың екінші жексенбісі – құрылысшылардың кәсіби мерекесі. Атаулы мерекеге орай Орал қаласындағы облыстық қазақ драма театрында салтанатты шара өтіп, батысқазақстандық құрылысшыларға құрмет көрсетілді. БҚО әкімінің орынбасары Бағдат Азбаев облыс әкімі атынан сала ардагерлері мен мамандарын құттықтап, мерекелік марапаттарды табыс етті.
– Еңбектері ғасырларға қалатын мамандықтар санаулы. Көне заманнан құрылысшы мамандығы халықтың құрметіне ие болды. Құрылысшылар өмірімізді жаңарту мен гүлдендіруге алып келетін адамдар. Тұрғындардың өмір сүру жағдайын жақсартып, болашаққа сеніммен қарауға рух беретін адамдар. Жобалаушылардың, сәулетшілердің, құрылыс индустриясы жұмысшыларының біріккен жұмысының арқасында біздің қалалар мена ауылдарымыз көркеюде. Автомобиль жолдары мен инженерлік желілер салынуда. Бірнеше шақырымдық газ және су құбырлары тартылып, әлеуметтік және мәдени обьектілер бой көтеруде. Жыл сайын қолданысқа тапсырылатын тұрғын үйлер көлемі жоспарланған шектен артығымен орындалуда, – деген Бағдат Оразалдыұлы құрылыс саласы бойынша өңірде жасалып жатқан жұмыстарға тоқталып, сала мамандарына мерекелік ізгі лебізін арнады.
2018 жылдың қорытындысы бойынша облыс аумағында жалпы көлемі 430 мың шаршы метр болатын пәтер тапсырылды. Жыл сайын өңірдегі тұрғын үй және инженерлік коммуникация желілері құрылысына республикалық бюджет есебінен бөлінген қаражат артып келеді. Соның арқасында тұрғын үй құрылысы қарқын алды. Нәтижесінде облысымыздың мыңдаған тұрғындары, соның ішінде көпбалалы отбасылар мен тұрғын үйге мұқтаж жанұялар баспаналы болуда. Ағымдағы жылы облысымызда «Нұрлы жер» бағдарламасын іске асыру мақсатында тұрғын үй және инженерлік коммуникация құрылысына 16 млрд. теңге бөлінген. 17 көпқабатты және ауылдарда119 тұрғын үй құрылысына 13 млрд. теңге, сонымен қатар 17 инженерлік коммуникациялық инфрақұрылымды дамытуға 2 млрд. теңгеден астам қаржы бағытталып отыр.
«Нұрлы жол» бағдарламасы бойынша өңірде төрт нысанның құрылысы жүргізілуде. Биыл спортқа дарынды балаларға арналған мектеп-интернаты қолданысқа беріледі. Өңірдегі өзекті мәселелердің бірі – ауызсумен қамту. 2016 жылы облыс тұрғындарының таза ауыз суға қолжетімділігі – 36 пайыз ғана болған болса, қазір 51 пайызға жетті. Бүгінде сегіз аудан бойынша 29 сумен жабдықтау нысанының құрылысы жүргізілуде.
Автомобиль жолдары құрылысы да айрықша назарда. Биыл оңтүстік аумақтағы Жәнібек, Қазталов, Бөкейордасы аудандары бағытына жол құрылысы басталды. Президент тапсырмасына орай бұл жұмыстар 2021 жылға дейін аяқталуы тиіс. Бұл жмыстардың барлығы құрылысшылардың ерен еңбегімен атқарылатын іс.
Салтанатты жиын барысында бірқатар сала ардагерлері мен қызметкерлері арнайы марапаттарға ие болды. Атап айтқанда, «Уральскводстрой» АҚ бірінші вице-президенті Тенгиз Тедеев пен осы компанияның өндірістік техникалық бөлімінінің жетекші инженері Фатима Качмазоваға «Еңбек ардагері», «СКФ Отделстрой» ЖШС сырлаушысы Жанғақ Айболатова, «Жаңа консалтинг ЛТД» ЖШС техникалық қадағалау жөніндегі инженерінің көмекшісі Сағидолла Әміров, «Жаңғырту – 2012» ЖШС инженері Сағынғали Имашев және «Westkaros» ЖШС бас инженері Анександр Рукин «Қазақстанның құрметті құрылысшысы», «Қаз-Хол» ЖШС директоры Тимур Әминов, «Инжиниринговая компания по Организации строительного производства» ЖШс Ақсай филиалының басшысы инженердің көмекшісі Серік Шаймарданов пен техникалық қадағалау сарапшысы Александр Аничкин», «Kaz Contruction Group» ЖШс бас инженері Ернияз Удреев «Еңбегі сіңген құрылысшы» төсбелгілерімен марапатталды. Тағы бірқатары облыс әкімінің алғыс хаттарымен, ҚР Индустрия және инфрақұрылымдық даму министрінің және «ҚазАвтоЖол» Ұлттық компаниясы» АҚ-ның Құрмет грамотасымен және Орал қаласы әкімінің алғс хаттарымен марапатталды.
Эльмира НҰҒМАНОВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу