КіруГОЛЛАНДЫҚ ҚЫЗҒАЛДАҚТАР ЕГІЛДІ
Орал қаласында қысқы қызғалдақ гүлдерін егу жұмыстары Жеңіс алаңында басталды. Бұл жолы «Жайық таза қала» ЖШС барлығы 400 шаршы метр аумаққа Голландиядан жеткізілген 20 мың тұқым отырғызуды жоспарлап отыр.
Қыста тұқымы қар астында жатып, көктем шығысымен бүр жаратын қызғалдақтар табиғи түрде ммырдың алғашқы онкүндігінде жайқалып, шаһарға әдемі көрік сыйлайды деп күтілуде.
– Голландық қызыл сортты қызғалдақ тұқымын топырақ астына көмбес бұрын алдымен марганец ерітіндісімен өңдейміз. Әр шаршы метрге 50 дана тұқым егіледі. Тереңдігі тұқымның көлеміне қарай 15-20 сантиметрге бойлауы керек. Бүгін Жеңіс алаңынан бастап жатырмыз. Бұдан өзге қаладағы М.Мәметова, Шаңырақ алаңдарына отырғызамыз. Алдағы жылы мамырдың 9-ы Жеңіс күні мерекесінде бұл аумақтың келбеті ерекше сұлу болары сөзсіз, – дейді «Жайық таза қала» ЖШС бригадирі Ольга Старова. Серіктестіктің баспасөз хатшысы Ақболат Қатешовтың мәлімдеуінше, бүгінде «Жайық таза қала» мекемесінде 700-ден аса қызметкер еңбек етеді.
Кәусар БАЙҒАЛИЕВА
Версия для печатиСоңғы жаңалықтар
Хадиша Бөкеева атындағы облыстық қазақ драма театрының жаңа маусымы көрермендерге тың туындылар тарту етуде.
Пікір үстеу